Sən demə avtobus haqqında yeni qanun lahiyəsi tərtib olunub da,mənim xəbərim yox imiş.Çox maraqlı,gülməli və qəribə qanundur desəm doğru olar.Qanun haqqında az sonra.

Öncə deyəcəklərim yenə fırlanıb gəlib mentaitetə çıxır söhbət.Bu mentaliteti kim yaradıb?Kimdir bunu idarə edən şəxs?Və görəsən mentalitetə nə vaxt yazılıb ki,avtobusda oturmaq üçün hanısısa qanun var?Və o qanun hardadır.Bizim millətdə belə bir fikir varda.Əgər mən gəncəmsə və avtobusa qoca minirsə mən mütləq durmaq zorundayam.Əks halda sərt baxışlar yadakı tənqid məni onsuzda oturduğum yerdən duruzduracaq.Bəs görəsən bu gənclər yorulmurlarmı?Onların oturmaq hüququ yoxdurmu?Nəyə görə kimsə gələndə durmalıdır ayağa?Yorulmaq üçün qoca olmaq lazımdır görəsən?Bəli əgər sən Azərbaycanda yaşıyırsansa mütləq durmalısan yoxsa eşidəcəyin ilk kəlmə aldığı tərbiyə budurda.Və istər-istəməz adamda qıcıq yaradırlar.Və niyə durmalıyam deyəndə cavabları bu olur cavansız biz sizin vaxtınızda nələr edərdik.Ama gəl indi bunları başa sal.Ay anam ay atam sən sovet dövründə yaşamısan.Çətinlik nədir görməmisən.Özünü niyə bizlərlə müqayisə edirsən.Həm mən nəyə görə kiməsə yer verməliyəm.Babam yaşında bir kişi söz atırsa özünə hörmət etmirsə mən gənc olaraq niyə ona hörmət etməliyəm.İnsan birinci özünə hörmət etsin sonra qarşındakından hörmət gözləsin.Ama bəzən də elə olur ki,yer verirsən səni pərt edirlər sən niyə mənə yer verirsən?Ayaq üstə qala biləcək gücüm var.Qalırsan kimə nə cür yanaşasan.Duranda bir günah durmuyanda bir günah.Qalmışıqda bu mentalitet qocaların əlində.

Mən hətda oğlanların durub qızlara yer verməsinə normal baxmıram.Düzdür hörmət eləməlidir.Ama bu qanun heç yerdə yoxdur.Onlarda bizim kimi tam oturmaq hüquqludurlar.Gender bərabərliyini poza bilmərik.Ama yazıq oğlanlar nə etsinlərki…Oğlanlar durmuyanda qızlar baxışları ilə onların gözünü deşir desəm doğru olar.

Bu movzunu açmaqda səbəbim.O gün avtobusda idim.Bir arvad uşaqla mindi.Məndə elə öz yerimi bir qadına verdim.Bu arvad uşaqla minən ona yer vermədilər deyə çox acıqlı idi.Ondan sonra bir kişi mindi yaşlı idi.Və arvad görəndəki ona yer vermirlər başladı.Bu gənclər tərbiyə görməyib belə-helə.Bir anlıq əsəbləşdim.Məni dahada əsəbləşdirən arvad qayıdıb qışqıra-qışqıra dediki əslində avtobusda oturacaqlar uşaqlar və yaşlılar üçündür .Vay-vay vay.Sən demə belə qanunda varmış mən necə eşitməmişəm.Ayıb olsun mənə.Bəs dostlar sizin bu qanunda xəbəriniz vardımı?Yoxsa bu qanunu Azərbaycan Avtobuslar Birliyinin qanun kitabçasımı yaradıb.Aman.Məndə çox sual verdim.Ondansa gedim araşdırım.Növbəti postlarda görüşənədək hələlik…

Artıq dünyaya isbat zamanı geldi hətda zamanı keçir desəm doğru olar.Qardaş Türkiyə bizə dəstəyini əsirgəmir və 26 Fevralda Taksin meydanında Mitinqə hazırlaşır.Bunun üçün ən birinci biz həqiqətləri bilmiyənlərə göstərməliyik.
26Fevral Xocalı Soyqırımı günü.

1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi (Stepanakert) şəhərində yerləşdirilmiş 366-cı motoatıcı alayının zirehli texnikası və hərbi heyətinin köməkliyi ilə Xocalı şəhərini zəbt etdilər. Hücumdan əvvəl, fevralın 25-i axşam çağından şəhər toplardan və ağır zirehli texnikadan şiddətli atəşə tutulmağa başlamışdır. Nəticədə şəhərdə yanğınlar baş vermiş və fevralın 26-ı səhər saat 5 radələrində şəhər tam alova bürünmüşdür. Belə bir vəziyyətdə, erməni əhatəsində olan şəhərdə qalmış təqribən 2500 nəfər əhali yaxınlıqdakı azərbaycanlılar məskunlaşmış Ağdam rayonunun mərkəzinə çatmaq ümidi ilə şəhəri tərk etməyə məcbur olmuşdur. Ancaq bu niyyət baş tutmadı. Şəhəri yerlə yeksan etmiş erməni silahlı dəstələri və motoatıcı alayın hərbiçiləri dinc əhaliyə divan tutdular.

Bu qırğının nəticəsində 613 nəfər həlak olmuşdur, onlardan:
uşaqlar – 63 nəfər;
qadınlar – 106 nəfər;
qocalar – 70 nəfər 8 ailə tamamilə məhv edilmişdir;
25 uşaq hər iki valideyninin itirmişdir;
130 uşaq valideynlərindən birini itirmişdir;

487 nəfər yaralanmışdır, onlardan:
uşaqlar – 76 nəfər;
1275 nəfər əsir götürülmüşdür:
150 nəfər İtkin düşmüşdür:
Dövlətin və əhalinin əmlakına 01.04.1992-ci il tarixinə olan qiymətlərlə 5 mld.rub dəyərində ziyan vurulmuşdur:

Bu rəqəmlər Ermənistan SSR-in dəstəyi və SSRİ rəhbərliyinin səhlənkarlığı ilə 1988-ci ildə başlamış və Azərbaycan SSR-in tərkib hissəsi olan Dağlıq Qarabağ Muxtar Vilayətinin Ermənistana birləşdirilməsi iddiasının gerçəkləşdirilməsi əsasında yaranmış Ermənistan-Azərbaycan, Dağlıq Qarabağ münaqişəsinin ən dəhşətli, qanlı faciəsindən xəbər verir.
Bəs bunlar nədir?Kim etdi bunları?Gəlin bir-birimizə dəstək olaq və 26Fevralda Taksin meydanında dünyaya həqiqətləri çatdıraq.Əgər erməninin cəsarəti olsa mütləq gələcəkdir ora.Əgər vicdanı düzdürsə isbat etməyə sübutu varsa mütləq gələcəkdir.Fransanın arxasında nə vaxta kimi gizlənə bilərki…
ƏZİZ DOSTLAR BU YAZINI MÜMKÜNSƏ HƏRƏNİZ BİRCƏ DƏFƏ PAYLAŞIN Kİ DÜNYA KİMİN HAQLI OLDUĞUNU GÖRSÜN!!!

Çoban dayı və Bağda xala digər uşaqları kimi Fərizənin də elçilik, nişan günlərini ildən-ilə böyüyən ailənin, nəvələrinin qayğı-qarğaşası içində bəlkə unudacaqdılar. Bəlkə də yox… Axı Bağda xala sözarası dedi ki, Fərizə balalarının ən şirini, ən istəklisi olub:
- Çox istiqanlıydı, olduqca mehriban, üzügülər. Elə bilirdim anamdı, bacımdı. Taleyinin belə olacağını ağlıma da gətirmirdim. Bir qızımı Ermənistan dağılmışda dəfn edib gəlmişdim. Bunun müsibəti bir ayrı oldu.
Adətən, insan dərdini danışmaqdan qaçır həmişə, qaysaq bağlamış yaralarına toxunmağa qorxur. Bağda xala isə artıq bu dərdlə həmdəm olub.
- Çox həssas uşaq idi. Texnikumda oxuyanda Neftçalaya pambıq yığmağa aparmışdılar, bir həftəydi getmişdi, qayınanam ilə getdik dallarınca. Yenicə də nişan taxılmışdı. Qayınanası plov dəmləyib aparmışdı. Maşını birbaşa pambıq sahəsinin kənarına sürdürdük. Baxırıq ki, qızların içərisində bu yoxdu. Nə qədər boylandıqsa görə bilmədik. Dayanıb durmuşuq ki, bu qız hara gedə bilər. Birdən bayaqdan yanımızda durmuş kombnizonlu, başına kiçik ləçək bağlamış qız astadan güldü. Gülüşündən tanıdıq.
Yoxsan… Mənim üçün daha çox varsan demək…
- Dəfn olunandan bu yana bircə dəfə gəlib yuxuma. Heç dilimə gətirməmişdim, amma ürəyimdə elə arzulayırdım ki, bircə dəfə gəlib qarşımdan keçsin, üzünü görüm. Bilirdim ki, bu mümkün olan deyil. Amma bu arzu içəridən məni didib-parçalayırdı. Bir gecə sübhə yaxın baxdım ki, darvaza açıldı. Gülə-gülə həyətə boylandı.
- Bax, ana, gəldim ki, üzümü görəsən. İndi doyunca bax, ürəyin sakit olsun.
Gülə-gülə çəkilib getdi. Gözlərimi açdım ki, gördüklərim yuxu imiş… O vaxtdan hər gün elə bilirəm ki, darvaza açılacaq, Fərizə içəri girəcək ki, gəlmişəm. İllər bir-birinin üstünə gəldikcə mənim üçün daha çox ölümsüzləşir…
…O gecə Fərizə də eynən belə demişdi: “İlham mənim üçün ölümsüzdü. İlham ölə bilməz”. Cənazəni həyətə gətirəndə yalvarmışdı ki, açın üzünü görüm heç olmasa. Yox demişdilər, şəriət günah hesab edir bunu. Daha deməmişdilər ki, bətnindəki körpəni itirməkdən qorxuruq. Bütün gecəni cənazəyə tərəf qoymamışdılar Fərizəni. Bir dəfə itirdiyi sevgilisini ikinci dəfə itirəcəyinin ağrısından qovrula-qovrula qalmışdı. Demək itki bu imiş-yanındadı əlin çatmır, ürəyindədi, arzularında, ümidlərindədi, gözün görməyəcək, hənirini hiss edəcəksən amma qarşı-qarşıya dura bilməyəcəksən…
- Qız elə bil havalanmışdı. İlhamı birinci dəfə Xırdalan qəbristanlığında dəfn etdik. Gecə ilə apardılar. Qardaşı xəstəxanadan birbaşa məscidə aparıb yudurtmuşdu, kəfənlədib evə gətirmişdi ki, nə halda olduğunu görməsinlər. Gecə ilə də dəfn elədilər. Cənazə həyətdən çıxandan sonra da Fərizəni sakitləşdirmək mümkün olmadı. Maşınların arxasınca bir xeyli ayaqyalın yüyürdü. İlhamın qardaşı Elxan evə qayıdanda toy şəkillərini gətirib ortaya tökdü. Elxanın qarşısında diz çökdü: “Sinə daşına ikimizin şəklini çəkdirin” – deyə yalvardı. Qoşa şəkillərini də ayırıb qoymuşdu. Evə qayıdandan sonra bir dəfə nişan yaylığı ilə özünü asmaq istəmişdi, bir dəfə neft töküb özünü yandırmaq istəyəndə İlhamın qardaşının həyat yoldaşı duyuq düşüb qoymamışdı. İlhamın böyük qardaşı Elxan Fərizəni bağrına basdı, özünü yox bizi düşün dedi, “qardaşımı itirdim, övladını da itirmək istəmirik” – deyə yalvardı. Olmadı…
Bağda xala göz yaşlarını saxlaya bilmir:
- Dəfnin ertəsi günü hərbi paltarlı adamlar gəldilər. Dedilər ki, Dağüstü parkda Şəhidlər Xiyabanı salınıb, bütün həlak olanlar orada dəfn olunacaq. Tapşırıq verdilər ki, İlhamı dəfn olunduğu yerdən evə gətirək. Cənazə həyətə gələndə Fərizə elə bil ki, sevinirdi. Gəlib böyrümə sığındı:
- Ana dedi yadındadı nişanlı olanda Dağüstü parka gəzməyə getmişdik. Mən İlhama dedim ki, kaş ki, bu ərazidən bizə ev verələr.
Evə gələndən sonra bütün günü Fərizənin sözünü deyib gülürdülər. O vaxt gəmi təmiri zavodunda çilingər işləyən İlham ev növbəsinə durmuşdu. 20 yanvardan bir həftə əvvəl 28 may metrosunun həndəvərində ev vermişdilər, uşaqlar elə olandan sonra anasıgil aparıb açarı təhvil verdilər. Heç biri ürək edib o evə köçmədi ki, özlərinə qismət olmadısa, bizə də gərək deyil…
Bağda xala Fərizənin anasıdır. Bu ailə haqqında ayrıca söhbət açmaq fikrim yoxdu. Çünki İlhamla Fərizənin adı təkcə Azərbaycanda deyil, ətraf ölkələrdə də insanlara tanışdı. Onların məhəbbət və qətl tarixçəsi. Qardaş Türkiyədə bu tarixçə haqqında müxtəlif əfsanələr dolaşır.
- O gecəsi birtəhər Fərizəni dilə tuta bildim. Qız havalı kimi olmuşdu. Qoluna girib evə gətirdim. Tez-tələshik yemək bişirdim, süfrə hazırladım. Qayıtdı ki, ay ana, iki gündür İlhamın sevdiyi yeməkləri bişirirsiz, elə bilirsiniz boğazımdan keçəcək?
Geri qayıtdıq. Sabah cənazələri meydana aparacaq, ordan da Şəhidlər Xiyabanına yol alacaqdılar. Səhər açılandan sonra İlham bir də bu həyəti tərk edəcəkdi və bu gedişin bir də gəlişi olmayacaqdı. Bu gəliş taleyin möcüzəsi, İlhama qovuşmaq üçün Fərizəyə verdiyi son şans idi. Dan üzü ağaranda evdəkilər hamısı iki günlük ağrı-acının əlindən, dərdin ağırlığından qaçıb yuxuya sığınmışdılar. Təkcə İlhamın qoca nənəsi yaşlıların əziyyət çəkdiyi yuxusuzluqla nəvəsinin itkisi arasında çırpınırdı. Fərizənin barmaqlarının ucunda yataq otağına keçdiyini də o gördü.
- Nə vaxt huşa getdiyimi bilməmişəm. Birdə gördüm kimsə qıyya çəkdi. Özümü içəri atanda baxdım ki, qız yerdə çapalayır. Masanın üstündə kiçik bir kağız parçası, bir də boş stəkan vardı. Stəkanın qoyulduğu yerdə masanın örtüyü yanıbmış kimi qırış-qırış olmuşdu. Fərizəni qonşunun maşınına qoyub xəstəxanaya apardıq. Yolda neçə dəfə saxladılar, rus əsgərləri üstümüzə avtomat çəkdilər, birtəhər xəstəxanaya çatdırdıq, həyətə girəndə baxdım ki, canını tapşırdı.
Həmin gün Şəhidlər Xiyabanına gedən karvanın önündə Fərizə ilə İlhamın toy günü çəkdirdikləri qoşa şəkil bələdçilik edirdi. Bu karvan Vətən və eşq uğrunda canlarından keçmiş şəhidlərimizin ölümsüzlüyünün uca zirvəsinə yol almışdı…

Bəzən çox şikayət edirik kinolarımız yaxşı çəkilmir.Mövzuları maraqsızdı bəhanəsi ilə beynimizə artıq mənfi fikirləri yeritmişik.Ama bəzən düşündüklərimizi gördüklərimiz əslində heç də elə deyil kimi üzə çıxarır.Bu filmi izlədiyim birinci dəfə idi.Məni ilk olaraq kinonun musiqisi cəlb etdi.Öz təsiri altına saldı.Və özlüyümdə axıra kimi baxmalıyam deyə qərar verdim.İtirdiyim 52dəqiqə 1 saniyəyə hesflənmədim.Əksinə nəsə qazanmış oldum.Kino vəkilin savadı və qundarma oyunu üzərində qurulmuş günahsız insanların həyatından bəhs edirdi.Kino doğurdan da bu gün yaşadığımız həyatın bir hissəsi haqqında çəkilib desəm həqiqətə daha uyğun olar.Kinoda marağımı çəkən bu hissə oldu:”Ən böyük var-dövlət,Başqasının malına göz dikməməkdir.Demək olar ki,kino elə bu dəyərli status çərçivəsində gerçəkləşdirilib.Həmişəki kimi haqsızlıqlar,kasıb-varlı həyatı özünü real həyatdakı kimi kinodada göstərdi.Doğurdanda bu reallıqdır ki,heç də bəzi adamlar öz halal zəhməti hesabına varlı olmular.Başqalarının malına göz dikə-dikə böhtanlarla varlanırlar.Və beləcə kasıbın imkanı az olduğundan düzgünlüynü heç kəsə sübut edə bilmir.Elə bu kinodakı varlı,savadlı vəkil kimi.Özünü işdən çıxarmaq təhlükəsini nəzərə alıb ofis açmağı təklif edəndə o da ən rahat yolu seçir əlbətdəki.Kasıb bir qonşusuna şər atmaqla onun kiçik bir maşın emalatxanasını əlindən alır.Halbuki,onun qızının saatı itəndə kasıbın qızı onun qızının saatını qaytarır.Qısacası kinonun təsirinə çox düşdüm.Həyat haçana kimi haqsızlıqlarla davam edəcək bilmirəm.Bəzən varlı insanların varı-dövləti haqqında halal olsun demək belə adama günah qazandırır.Nə yollarla qazanması belə məlum olmuyan kinodakı vəkilin varı-dövləti kimi.Kino Azərbaycan reallıqlarını əks etdirir,daha ciddi mövzulara toxunur deyə çox xoşuma gəldi.Və baxmağa dəyər dedim.Ama kinodakı aktyorlarda biraz quru çıxışlar vardı.Ama olsun.Bəlkə kinolarımız daha çox çəkilsə hər şey qaydasına düşər.Kinonu çəkib biz tamaşaçıların öhdəsinə verən Oskar Podakşna və tanıdığım Yaşar əhmədova təşəkkürlər.Kaşki kinonun davamı olsaydı.Haqsızlıqlar elə təzə üzə çıxmışkan kino bitdi.Ama vacib olan haqq öz yerini tapdı.Oskar Prodakşndan daha uğurlu kinolar gözləyirik.

Mən bugün 20Yanvar-tarixlərə düşmüş və bugünə kimi  həlli yolu tapılmıyan bir tarixə başqa tərəfdən baxacam.Düz 22 il keçir.Və 22ildir biz dünyaya bu həqiqətləri çatdırmaq üçün daha nələr etmirik.Əlimizdə olan videolar,bu boyda Şəhidlər Xiyabanımız və digər faktlar nədənsə dünyaya inanmaq üçün yetərli mənbə sayılmır.Ama bir yandanda daxilində nələr baş verir bax bunu anlamıram.Neçə olur ki,biz inandıra bilmirik.Keçim ölkədə bu faciənin baş verməsi və bunun xatırlanmasına…

Özüm 1990Yanvar hadisələrindən yadigar qalmışam desəm doğru olar.Mən olanda artıq 20Yanvar faciəsi baş vermişdi.Heçnə xatırlamıram və bu tam normaldır.Ama zaman keçdikcə hamı kimi mənə də erməni vəhşiliyindən,faciələrdən danışırdılar.Məktəbdə oxuyanda isə hər faciə baş verən gün görürdümki xüsusi anılır.Və hər dəfəsində öz-özlüyümdə deyirdim:Mən böyük qiz olanda əsgərlərin jurnalisti olacam,(hərbi jurnalist anlamını bilmirdim)onlarla cəbhəyə gedəcəm.Mən jurnalist oldum və doğurdan da babam mənə dediki sən bilirsən səni cəbhəyə aparacaqlar?Bunu eşidəndə baba mən qorxmuram gedəcəm dedim.Ama əslində istədiyiim kimi olmadı.İçimdə olan vətənpərvərlik hissini öldürə bilməsələrdə qəzəbi öldürdülər.Necə?Biganəlik ilə.Mənə həmişə təsir edən budurki nəyə görə biz 20Yanvar Şəhidlərini hər il 20Yanvar günü gələndə xatırlamalıyıq?Eləcə digər faciələrimizi.Belə çıxır ki,biz məcburuq da başımıza gəlib deyə bugünü xatırlamaq məcburiyyətimiz varda.Axı orda yatan Şəhidlər bunun üçün Şəhid olmadılar.Bugün efirlərdə hansı vətənpərlik( ans-dəki səngər verlişini çıxıram) hansı faciməzi xatırlayırıq görəsən.Bezmişik daha efirlərdəki qalmaqalları görməkdən.Mən bir gənc olaraq bezmişəm bu tipli verlişlərdən.Məni qinayanlar varki zamanın nəbzini tuta bilmirsən.Başa düşmürəm zamanın nəbzini tutmaq üçün görəsən şouya baxmaq lazımdır?Ola bilər mən zamanın nəbzini tuta bilmirəmdə.Ama bundan utanmıramda heç.Hələ radiolardan danışmıram.Matəm günü gecə 12-ni keçdi hamı keçdi şən mahnılara.Sanki məcburiyyətdir bunlar.Doğru bu gedişlə ildə bir dəfə xatırlamaq məcburiyyətdir.Sabaha da artıq hazırlıq işləri görülüb.Hətda Şəhidlər Xiyabanında Ekskalatr quraşdırılıb ki,millətin ayağına əziyyət olmasın.Vay-vay-vay.Ama yox yox bu ekskalatr bu 22ildə quraşdırılmayıbsa deməkki bizim millətə görə deyil eurovison üçün gələn xaricilərə bizim tariximizi göstərmək üçündür hansı ki,xaricilərə deyilsinki baxın bir Şəhidlərə belə qiymət veririk.Bax belə nə yazım axı bu movzudan.Nə qədər eyni hadisələri təkrar görməliyik.Hər 20Yanvar günü efirlər eyni tarixi göstərir bəlkə nələrsə edilsin.Sonda bir kəlmə ilə movzunu tamamlayıram:Biz 20Yanvarı xatırlamırıq…Hər il bu gün çatanda bu tarix onsuzda bizi xatıryalır.Yaddaşımıza girirki,bu gün məni anmaq lazımdır.Bax belə…

2012-ci ilin ilk yarısı Oxatanların, ikinci yarısı isə Əkizlərin ili olacaq. 

Qoç “Sevdiklərimi də düşünürəm”
 Sevgi - 2012-ci ilin oktyabr ayına kimi həyat yoldaşınız, sevgiliniz, partnyorunuzla önəmli qərarlar verə bilərsiniz. Bu dönəmdə evlənən bir qoç üçün evlilik məsuliyyət mənasına gəlir. Evli və biri ilə birlikdə yaşayırsınızsa, bəzi önəmli qərarlar qəbul edə bilərsiniz. Sağlam münasibətlər daha da möhkəmlənəcək. Ancaq zəif halqalar qopa bilər. Ən önəmli vaxt 8 fevral- 5 martdır. Əgər bu zaman addım atsanız, gerisi gələcək. 

 Karyera - Əgər öz işiniz varsa, işi böyütmək üçün 2012-ci il fürsətlərlə doludur. Öz işinizi qurmaq sizə yaraşır. Böyük düşünün və hədəflərinizə doğru getmək üçün doğru insanlarla əlaqə qurmağa çalışın. İlin ilk yarısında qollarınızı çırmalayıb həvəslə başladığınız işlərdə böyük uğur qazana bilərsiniz. 

 Mart ayında heç bir işdə tələskənliyə yol verməyin və may ayına kimi qərar vermək üçün özünüzə zaman verin. İlin ikinci yarısından sonra ideayalarınız gerçəkləşə bilər. 4 iyul – 23 avqust arası işlə bağlı bir çox təkliflər ola bilər. 

Buğa “Bolluq və bərəkət mənimlədir, güvəndəyəm” 
 Sevgi - İlin ilk aylarında istədiyiniz kimi biri ilə qarşılaşa bilərsiniz. Olduqca hərəkətli il sizi gözləyir. 23 yanvar – 14 aprel tarixlərində keçmiş sevgililərdən biri fikirlərinizin qarışmasına səbəb ola bilər. Əslində keçmişi bir az da olsa xatırlamaq sizə yaxşı təsir edə bilər. Qarşısıalınmaz cazibəniz 7 mart-3 may tarixləri arasında gözəl münasibətlərin başlanmasına səbəb ola bilər. Hər şeyin istədiyiniz kimi olması üçün sizin elə də çox iş görməyinizə gərək qalmayacaq. 

 Karyera - Pul qazanmaq əvəzinə, ilin ilk yarısında özünüzə sərmayə qoyun. Yaradıcılığınız ən üst səviyyəyə qalxacaq. Ətrafınızdakılar sizə etibar edir. Hamını sevin, ancaq yaxın iş yoldaşlarınıza diqqət edin. Tanışlarınız çoxu sizə dəstək verməyə hazırdır. 11 iyuna qədər qarşınıza çıxacaq fürsətləri qaçırmayın. İlin ikinci yarısında birdən çox mənbədən pul qazana bilərsiniz. 24 avqust – 8 oktyabr tarixlərində iş yerinizdə səbrli davranmanız lazımdır. Oktyabrın 5-dən sonra inadkarlığınızdan əl çəkməlisiniz. 

Əkizlər “İtirmək qorxumu sevgiyə çeviririəm” 
 Sevgi - 2010-cu ilin dekabr ayından bəri münasibətlərinizdə yepyeni bir dönəmə daxil olmusunuz. Həyatınızdakı hər şey tam istədiyiniz kimi getmir. İlin iki yarısı sizin üçün tamamilə fərqli olacaq. Əgər evli və ya sevgiliniz varsa, ilin ikinci yarısında sevindirici xəbər ala bilərsiniz. 

 Köçmək istəyənlər 14 apreldən tez hərəkətə keçməsinlər. İyuldan sonra öz dəyərinizi daha yaxşı başa düşməyə başlayacaqsınız. 4 aprel – 7 avqust arası çox yaxşı bir dövr sizi gözləyir. 

 Karyera - Bu il hobbi kimi baxdığınız şey sizin əsl işiniz ola bilər. İndiyə qədər əsla pul qazanmağı düşünmədən etdiyiniz bir iş sizin karyera yolunuzu aça bilər. Həyatınızda nəyin işə yarayıb, nəyin yaramadığını təkrar gözdən keçirin. 15 may- 26 iyunda davranışlarınıza və danışıqlarınıza diqqət edin. 11 iyundan sonra 12 ildən bir yaranan və bir il boyunca davam edən bolluq, şans dönəmi sizinlə birlikdə olacaq. Birdən çox iş görmək sizin üçündür. Gələn il siz mükafat da ala bilərsiniz. 

Xərçəng “İstənilən şəraitdə həqiqi sevgi verə bilərəm”
 Sevgi - Əgər siz iyun ayında doğulmusunuzsa, yeni ildə uzun müddətli, ciddi münasibətlərə hazır olun. İçinizdəki sevgi selinin axmasına icazə verin. Başqalarına diqqət, şəfqət göstərmək ən böyük bacarığınızdır. 8 avqust- 6 sentyabrda özünüzü çox yaxşı hiss edəcəyiniz, ətrafınızdakıları maqnit kimi özünüzə cəkəcəyiniz bir dönəm olacaq. Bu zamanı yaxşı dəyərləndirin və yanınızdakı insanla bol-bol zaman keçirin. 

 Karyera - Öz yolunuzda irəliləməniz üçün bütün imkanlar var. Bəzi ortaqlarınızla yollarınızı ayıra bilərsiniz. İşinizə və iş yerinizdəki insanlara qol-qanad gərin. Unutqanlığa qarşı diqqətli olun. İlin ilk yarısında iş səfərləriniz çox qazanclı ola bilər. 18 noyabr – 26 dekabr arasında baş verən hadisələrə öz gözünüzdən deyil, başqalarının gözündən baxsanız, bütün problemlər həll ediləcək. 

Şir “Dostlarımla xoşbəxtəm”
 Sevgi - 2010-cu ilin dekabrından sevgi həyatınız canlanıb. Flörtlər və sevgililər sizin daha çox yaradıcı və sevincli olmanıza kömək edir. İyunda baş verəcək hadisələr sizə çox sevincli günlər yaşadacaq. 7 sentyabr- 3 oktyabrda xarizmanız çox adamı heyran qoyacaq. Yayda özünüzü tərifləmənin də bir hüdudu olduğunu xatırlayın. 

 Karyera - Bu sahədə də keçmişə nisbətən daha böyük uğurlar qazanacağınız gözlənilir. Yanvar-iyul aylarında maddi imkanlarınız hiss olunacaq səviyyədə artacaq. İlin ilk yarısında karyera və etibarlılıqda parlayan ulduz olacaqsınız. İkinci yarıda önəmli insanlardan dəstək görməniz sizi ideyalarınıza daha da yaxınlaşdırır. 

Qız “Başqalarından öyrənə bilərəm” 
 Sevgi - İlin ilk yarısında fırtına kimisiniz. Münasibətlərinizdə olduqca fəal olduğunuz üçün cəsarətiniz də artacaq. Risk edib hərəkətə keçsəniz, daha cəlbedici olacaqsınız. 23 yanvar – 14 apreldə geri addım atmanız gərəkən mövzular ola bilər. Əhvalınızı pozmayın, hər hadisədən bir dərs çıxarmağa çalışın. Keçmişə qayıtmanın faydası ola bilər. Əgər may-iyun ayında keçmiş münasibətləriniz hələ davam edirsə, onun keçmişdəkindən daha gözəl olduğunu görəcəksiniz. 

 Karyera - Maddi cəhətdən artıq fərqli bir yol tapmalısınız. Başqalarının işinizə müdaxilə etməsinə icazə verməyin. Belə olduqda daha sakit və hüzurlu olacaqsınız. 23 yanvar-13 aprel arası bütün işləriniz, layihələrinizi tamamlaya bilərsiniz. İlin ortasında fürsət planeti olan Yupiter 12 ildən sonra sizin bürcünüzdə olacaq. Bu, xüsusilə karyera sahəsində özünü göstərəcək. 4-28 oktyabr arasında insanlara xidmət etmək, köməkçi olmaq sizi xoşbəxt edəcək. 

Tərəzi “Özümü yenidən tamamlayıram” 
 Sevgi - Hər zaman yaxşı bir sevgili olmusunuz. Bunu heç kim inkar edə bilməz. 2009-cu ildən başayan dəyişməyiniz 2012-ci ilin oktyabrına kimi davam edəcək. Bu zaman kəsiyində evlənə və ya boşana bilərsiniz. Qabığınızı qıraraq əsl kimliyinizi ortaya çıxarmağa başlamısınız. Hamını məmnun etmək üçün çabalamağı dayandırın və özünüzü sevməyi öyrənin. Mənəvi rahatlığı, sağlamlığı əldə emək üçün bir az daha səy göstərin. 29 oktyabr- 22 noyabr həyatınızda böyük sevgilər ola bilər. 

 Karyera - Sizi ətraf dünyaya hazırlamaq üçün birini tapın. Həyatınızdakı sistemlərinizi dəyişməniz çətin olsa da, bu gərəklidir. Dürüst və açıq münasibət qurarkən kobud olmamağa çalışın. Qarşınızdakılar bəzən sizin hadisələrə necə reaksiya verəcəyinizi dəqiq bilmirlər. Oktyabrda sıra pula gələcək. Şəxsi büdcənizi əvvəlkindən daha planlı şəkildə qurmalısınız. Həyatınızı bir az dəyişdirməyə başlasanız, orada əyləncəyə də yer tapılacaq. 4 iyul – 23 avqust tarixində sizinlə iş görmək hamıya cazibədar gələcək. Payıza qədər işinizi dəyişə bilərsiniz. 

Əqrəb “Xaosa nəzarət etməyə çalışmıram” 
 Sevgi - İlin ilk yarısında münasibətləriniz uğurlu olacaq. Bu zamanda qurulan ailələr hər mənada sizə uğur, zənginlik gətirəcək. Əgər sevgiliniz varsa onun həyatında olan möhtəşəm hadisələr sizi də sevindirəcək. Oktyabrdan sonra həyata baxışınızı iki illik fasilədən sonra dəyişirsiniz. Bundan sonra bambaşqa bir insan olacaq, gərəksiz olan şeyləri həyatınızdan çıxarmaq üçün cəsarət tapmış olacaqsınız. Payızda israrlarınızın nəticəsi olaraq istədiyiniz insanı əldə edə bilərsiniz. 

 Karyera - İlin ikinci yarısında fərqli həyat başlayır. Öncə sağlamlığınıza diqqəti bir az da artırın. Həyatınızda müvazinəti qorumaq və münasibətlərin dadını çıxarmaq üçün bir az daha müstəqilliyə ehtiyacınız var. İlin ilk yarısında ətrafınızdakılardan böyük dəstək görə bilərsiniz. 13 noyabr ərəfəsində baş verə biləcək hadisələr sizi yeni həyata hazırlayacaq. 24 avqust- 7 oktyabr arası iş və şəxsi həyatınızla bağlı qüvvətli addımlar əhval ruhiyyənizə yaxşı təsir edəcək. 23 noyabr-16 dekabr tarixlərində ortaqlar və pul ilə bağlı istədiyinizi əldə edə bilərsiniz.

Oxatan “Xəyallarımı gerçəkləşdirə bilərəm” 
 Sevgi - Hər hansı sevgi münasibətinizin olub-olmamasından asılı olmayaraq 11 iyundan sonra möcüzəli zaman başlayır. O vaxta qədər yolunda olmayan, pis münasibətləri bitirmək, bəzi insanları həyatınızdan çıxarmaqdan qorxmayın. Heç kimi ittiham etmədən onlarla vidalaşın. Sevgilisi olanlar ilin ikinci yarısında evliliyə doğru addım ata bilərlər. Həyatında heç kim olmayanlar isə 11 iyundan sonra, xüsusilə ilin son həftələrində bir çox insanın diqqətini cəlb edə bilər. 

 Karyera - Yeni iş müraciətləri edin və həyatın sizin faydanıza işlədiyinin şahidi olun. İlin ilk yarısında etibarınızı artırmaq üçün hərəkətə keçin. İlin ortasından etibarən ağıllı və ziyalı insanlar sizə böyük dəstək ola bilərlər. 8 oktyabr – 17 noyabr tarixində böyük düşünməkdən çəkinməyin. 

Oğlaq “Gücümdən sevgi üçün istifadə edərəm”
 Sevgi - Ötən ildən başlayaraq heç olmadığı qədər xoşbəxtsiniz. Yaxşı, imkanlı və qənaətcil insanlarla uzun müddətli münasibətlərə başlaya bilərsiniz. İyuna qədər qatılacağınız kurslar, səyahətlər, bütün işlərinizdən böyük zövq alacaqsınız. Bu arada biri ilə tanış ola bilərsiniz. Əgər həyatınızda kimsə varsa onunla ortaq maraq dairəsi yaradın. Avqust – 6 sentyabr arasında qarşı cinsdən olan birinə möhkəm bağlantınız ola bilər. 

 Karyera - İş yerində böyük güc əldə etmək sizə zövq verəcək. Yaşadığınız yerdən həyat enerjisi alırsınız. Əgər işiniz yoxdursa, evdə işləməyə cəhd edin. Dostlarınız sizə böyük dəstək ola bilər. Qısa səyahətlər nəticəsində xəyal etdiyiniz işə qovuşa bilərsiniz. Oktyabr ayından sonra böyük xəyallarınıza doğru addımlar atmağa başlayacaqsınız. 

Dolça “Sevgilim mənim üçün önəmlidir”
 Sevgi - Münasibətlərdə hər zaman sərbəstliyin tərəfdarısınız. Bu il ötən ilkindən fərqli olaraq sevgililər ilə dostlar arasında qalmaq narahatçılığını yaşamayacaqsınız. Əslində qərarınızı çoxdan vermisiniz. Peşəniz, dostlarınız, sosial qruplar sizin üçün münasibətləriniz qədər önəmlidir. 7 sentyabr – 3 oktyabrda cəlbedici biri sizin ağlınızı başınızdan ala bilər. Ondan öyrənəcək çox şey var. Yeni insanlarla tanış olun, müxtəlif mədəniyyətlərlə maraqlanın. 

 Karyera - Böyük karyera dəyişikliyi üçün oktyabr və noyabr ayları daha münasibdir. Yeni bir diplom almaq və ya proqram öyrənmək üçün uğurlu ildir. İlin ikinci yarısında maddi məsələlərdə qarışıqlıq gözlənilir. 15 may- 26 iyunda keçmiş layihələriniz və işgüzar münasibətlərinizə yeni can verərək uğur qazana bilərsiniz. 

Balıq “Ruh halım necədirsə, həyat qarşıma elə maska ilə çıxır”
 Sevgi - İyul ayına qədər ən önəmli münasibətləriniz olacaq. Qarşı tərəfin inandırıcı, doğru və israrlı münasibəti qarşısında bir az inciyə bilərsiniz. Ancaq qarşı tərəfin sizi incitmək niyyəti yoxdur. Onun tək istədiyi hər şeyin yerli-yerində olmasıdır. Özünüzü qurban kimi göstərməkdən əl çəkib, baş verənlərə bitərəf baxsanız hər şeyi daha yaxşı dərk edəcəksiniz. Qaçmayın və münasibətlərinizi yaxşı səviyyəyə gətirməyə səy göstərin. Arxanızı dönüb getməklə problemi həll etmiş olmursunuz. Bu münasibətinizi bitirsəniz belə, bu problemlər başqa münasibətlərinizdə qarşınıza çıxa bilər. Xəyal qurmaqdan qorxmayın. 

 Karyera - İşlərinizi ata-babadan qalma qədim üsullar yerinə, modern, yeni qayda-qanunlarla qurmağa çalışın. Bu il media, internet kimi sahələrlə bağlı görəcəyiniz işdən pul qazana bilərsiniz. Mart ayında görəcəyiniz işləri bitirməyə tələsməyin. Neptun balıq bürcündə olması sizin insanların ehtiyaclarını daha asan anlamağınıza kömək edəcək. Yeni planlarınızda bu xüsusiyyət sizə böyük kömək edə bilər.

Anam!Sənə səslənirəm.Eşidirsənmi?Sənə ehtiyacım var.Niyə belədir bu həyat.Həsrət qaldım üzünə.Hər bir sözünə elə möhtac qaldım ki,hətda deyinmənə belə həsrət qaldım.O qədər darıxmışam ki,sənin üçün.Səsinə,qoxuna,əllərinin istiliyinə və dünyamı özündə saxlayan o qara gözlərinə o qədər möhtacam ki...Sən gedəndən sonra hər şey söndü mənim üçün.Sən demə həyatım səndə imiş.Apardın özünlə həyatımı.Mənə dönməyin üçün dünyanı ayaqların altına sərərdim.Yalvarsam geri dönməyin üçün eşidirsənmi səsimi?…Yox.Sən məni düşünməyib tərk etdin.Özünü mənə öyrəşdirdin.Bu qədər yaxın oldun.Hər dərdim sevincim olanda birinci sənə qaçardım.Ama indi qaçanda qarşıma kimsə çıxmıyanda həyata daha çox nifrət edirəm.Məgər mən sənin üçün yaşayırdım.İndi kimim var ki…Sən mənə öyrətmişdin həyatda çətinliklərə güc gəlməyi,sən öyrətdin mənə uğur qazanmağı.Sən oyrətdin mənə həyatda üzülməməyi.Bəs indi de görüm mən səni indi necə bağışlayım.Sən məni düşünmədin heç.ama həmişə yanındayam demişdin.Bəs niyə indi yoxsan?Hə?Demisdin bağışlamağı bacar.İndi səni bağışlayımmı deyirsən məni tərk etdiyin üçün?Heç vaxt!Bu mümkün deyil.Səni bağışlamayacam.Anam olsan belə.Bu mümkün deyil.Sən mənim Allahdan ən son diliyib səni məndən almamaq arzum idin.Ama hanı…Nədir olan kimə oldu?Yenə mənə oldu.Kaş ki səni bu qədər sevməsəydim.Mənim üçün hər kəs kimi adi bir insan olsaydın.Sən getdin ama səni xatırladacaq bir mahnı qaldı mənə.Yadındamı bu mahnını ilk dəfə səninlə dinləmişdim.Bu kinonu səninlə seyr edərdik.Ama indi təkəm.Mahnıda səni axtarıram.Ama sən yoxsan!!!Eşidirsənmi anam sən olmasanda səni yanımda görürəm.Gəl birgə bir daha bu mahnını diniyək bərabər.Ama bu mahnıya qulaq asanda düşünməzdimki sözləri nə vaxtsa sənin adından mənim üçün səslənər.Vakit tamam səni tərk ediyorum!!!Düşünmədim belə bu cümləni..

Bir Dostuma həsr etdim…